کولگام میں دو منشیات فروش ممنوعہ مادے کے ساتھ گرفتار - Drug Peddlers

جموں وکشمیر کے ضلع کولگام میں دو افراد کو منشیات فروشی کے الزام میں گرفتار کیا گیا ہے۔ پولیس نے ان کے قبضے سے منشیات سمیت 29,750 نقد رقم بھی برآمد برآمد کی ہے۔

کولگام: جنوبی کشمیر کے کولگام ضلع میں پولیس نے دو منشیات فروشوں کو منشیات سمیت گرفتار کیا ہے۔ پولیس تھانہ قیموہ کی پارٹی نے کھڈونی بائی پاس پر ایک مخصوص چوکی قائم کی تھی اور چیکنگ کے دوران پولیس پارٹی نے ایک شخص سے قبضہ سے 750 گرام چرس بر آمد کیا، مذکورہ شخص نے موقعے سے فرار ہونے کی کوشش کی تاہم پولیس نے اسے دبوچ کر گرفتار کیا۔

مذکورہ شخص کی شناخت کاوکی بازار قیموہ کے رہنے والے پرویز احمد شیخ ولد عبدالرحمان شیخ کے طور پر ہوئی ہے۔

وہیں گلاب باغ میں پولیس پارٹی کی طرف سے ایک اور ناکہ چیکنگ کے دوران ایک شخص کو تھیلہ لے جانے کے دوران روک لیا،تلاشی کے بعد اس کے قبضے سے 3 کلو فُکی پوست کا بھوسا 3 کلو 50 گرام براؤن شوگر، ایک ڈیجیٹل ترازو منشیات فروشی کے کاروبار سے متعلق 29,750 نقد رقم برآمد کی گئی ۔جس کے بعد مذکورہ شخص کو موقعہ پر ہی گرفتار کیا گیا۔گرفتار ملزم کی شناخت نظام الدین کنشی ولد محمد عبداللہ کنشی ساکن گلاب باغ کے نام سے ہوئی ہے۔

اس مناسبت سے ایف آئی آر نمبر 91/2024 U/S 8/20 NDPS ایکٹ کے ساتھ پولس اسٹیشن قیموہ میں اور مقدمہ FIR نمبر 226/2024 U/S 8/15, 21 NDPS ایکٹ کے تحت پولیس اسٹیشن قاضی گنڈ میں کیس درج کیا گیا، دونوں کیسز کی مزید تحقیقات شروع کر دی گئی۔