نئی دہلی: بھارت کی صدارت میں جی-20 ممالک کی 100 اب تک میٹنگیں ہوچکی ہیں اور یہ میٹنگیں ملک کی 28 ریاستوں اور مرکز کے زیر انتظام علاقوں کے 41 شہروں میں 60 مقامات پر منعقد ہوئیں، جہاں مہمان ممالک کے نمائندوں کو بھارت کی ثقافتی اور سماجی تنوع کے ساتھ ساتھ اقتصادی ترقی کو مؤثر طریقے سے جاننے کا بھی موقع ملا۔ سرکاری ذرائع کے مطابق پیر کو وارانسی میں جی 20 کا 100 واں اجلاس اپنے جی۔20 کی صدارت میں زراعت کے شعبے کے اہم سائنسدانوں ( ایم اے سی ایس ) کی میٹنگ کی میزبانی کے ساتھ ایک اہم سنگ میل کا جشن منا رہا ہے۔ گوا میں دوسرا ہیلتھ ورکنگ گروپ، حیدرآباد میں دوسرا ڈیجیٹل اکانومی ورکنگ گروپ اور شیلانگ میں اسپیس اکانومی لیڈرس کی پیشگی میٹنگ بھی آج منعقد ہو رہی ہے۔
واضح رہے کہ گزشتہ سال 16 نومبر کو وزیر اعظم نریندر مودی کو بالی سمٹ میں جی۔ 20 کی صدارت سونپی گئی تھی۔ چیئرمین شپ سونپنے کے بعد بھارت کی سال بھر کی جی۔ 20 کی چیئرمین شپ یکم دسمبر 2022 سے شروع ہوئی جو 30 نومبر 2023 تک جاری رہے گی۔ اس سے قبل 8 نومبر 2022 کو وزیر اعظم نے جی ۔ 20 کا نشان اور بھارت کی جی ۔ 20 کی صدارت کا تھیم - 'واسودھائیوا کٹمبکم' یعنی 'ایک زمین ایک خاندان، ایک مستقبل ' جاری کیا تھا، کی نقاب کشائی کی گئی۔ جی ۔ 20 لوگو کو ہندوستانی قومی پرچم کے رنگوں میں ڈیزائن کیا گیا تھا، جو چیلنجوں کے درمیان ہمارے زمین کے حامی نقطہ نظر اور ترقی کی علامت ہے۔
جی ۔ 20 گروپ 19 ممالک پر مشتمل ہے (ارجنٹائن، آسٹریلیا، برازیل، کینیڈا، چین، فرانس، جرمنی، ہندوستان ، انڈونیشیا، اٹلی، جاپان، جمہوریہ کوریا، میکسیکو، روس، سعودی عرب، جنوبی افریقہ، ترکی، برطانیہ اور امریکہ اور یورپی یونین کے جی ۔ 20 ممبران عالمی مجموعی پیداوار کا تقریباً 85 فیصد عالمی تجارت کا 75 فیصد سے زیادہ اور دنیا کی تقریباً دو تہائی آبادی کی نمائندگی کرتے ہیں۔ ذرائع کے مطابق ہندوستان کی جی ۔ 20 چیئرمین شپ کے دوران ذاتی طور پر شرکت اب تک کی سب سے بڑی تعداد میں سے ایک ہے۔ اب تک 110 سے زائد قومیتوں کے 12 ہزار 300 سے زائد مندوبین نے جی ۔ 20 سے متعلق اجلاسوں میں شرکت کی ہے۔ اس میں جی ۔ 20 کے ممبران، 9 مدعو ممالک اور 14 بین الاقوامی تنظیموں کی شرکت شامل ہے۔ اب تک 28 ریاستوں اور مرکز کے زیر انتظام علاقوں پر محیط 41 شہروں میں 100 جی ۔ 20 میٹنگیں ہو چکی ہیں۔ ریاستی حکومتوں اور مرکز کے زیر انتظام علاقوں کی مکمل حمایت اور شرکت کے ساتھ ہندوستان بھر میں میٹنگیں منعقد کی جا رہی ہیں۔
یہ بھی پڑھیں: G20 Meeting in Varanasi وارانسی میں جی 20 اجلاس میں باجرا اور دیگر قدیم اناج دکھائے جائیں گے
ہندوستان کی صدارت کے دوران غیر ملکی مندوبین کو ملک بھر کے تقریباً 60 شہروں میں جی ۔ 20 سے متعلق 200 سے زائد میٹنگوں کی میزبانی کی جائے گی، جو کہ کسی بھی جی ۔ 20 کی صدارت میں وسیع ترین جغرافیائی پھیلاؤ ہے۔ تمام 13 شیرپا ٹریک ورکنگ گروپس، 8 فنانس ٹریک ورک اسٹریمز، 11 انگیجمنٹ گروپس اور 4 اقدامات نے ٹھوس ڈائیلاگ شروع کر دیا ہے۔ ڈیزاسٹر رسک ریڈکشن ( ڈی آر آر ) پر ایک نیا ورکنگ گروپ، ایک نیا انگیجمنٹ گروپ 'اسٹارٹ اپ 20' اور چیف سائنس ایڈوائزرز راؤنڈ ٹیبل ( سی ایس اے آر ) کو ہماری ج ۔ 20 کی صدارت کے دوران ایک نئی پہل کے طور پر فعال کیا گیا ہے۔ 11 انگیجمنٹ گروپ نجی شعبے، تعلیمی اداروں، سول سوسائٹی، نوجوانوں اور خواتین کے ساتھ ساتھ اداروں بشمول پارلیمنٹ، آڈٹ اتھارٹیز اور شہری انتظامیہ کے درمیان مکالمے کے لیے ایک فورم فراہم کرتے ہیں۔
یو این آئی
