ملک بھر میں کورونا وائرس کی دوسری لہر تباہی مچا رہی ہے۔ کورونا مریضوں کی تعداد میں روز بروز اضافہ ہوتا جا رہا ہے۔ اسی اثناء میں اتر پردیش کے ضلع مظفرنگر میں واقع گاندھی کالونی ہاؤسنگ سوسائٹی کے کارکنان روزانہ شہر میں کورونا سے متاثر خاندانوں میں دونوں وقت کا کھانا تقسیم کر رہے ہیں۔
گاندھی کالونی ہاؤسنگ سوسائٹی کے کارکنان کا کہنا ہے کہ مظفر نگر میں ایک بار پھر سے سے کورونا وباء نے پیر پھیلانے شروع کر دیے ہیں، کورونا مثبت مریضوں میں تیزی سے اضافہ ہو رہا ہے۔ ہماری سوسائٹی کے ذریعے ان خاندانوں میں جو کورونا سے متاثر ہیں، صبح اور شام کا کھانا گھر گھر جا کر تقسیم کیا جا رہا ہے۔
یہ بھی پڑھیں: آکسیجن کی کمی، ایئر فورس نے سنبھالا محاذ
انہوں نے کہا کہ ان متاثر خاندانوں کو کورونا وبا کے اس دور میں ہم آگے بھی اسی طرح کھانا تقسیم کرتے رہیں گے۔ اس طرح کا کام کرنے سے ہمیں دلی سکون ملتا ہے۔
