مرادآباد: پھولوں کا کاروبار متاثر

عالمی وبا کورونا وائرس کے چلتے ملک میں نافذ لاک ڈاؤن کی وجہ سے کاروبار شدید متاثر ہوا ہے۔ ریاست اترپردیش کے ضلع مرادآباد میں بھی پھولوں کا کاروبار شدید متاثر ہوا ہے جس کی وجہ سے رواں برس پھول مہنگے ہونے کی وجہ سے خریداری بھی اچھی نہیں ہو رہی ہے۔

دیوالی کے موقع پر گھروں کو سجانے کے لیے پھولوں کا استعمال ہوتا ہے۔ لیکن رواں برس پھول مہنگے ہیں، جس کی وجہ سے پھولوں کا استعمال کم کیا جا رہا ہے۔

پھولوں کے کاروباریوں کے مطابق اس سال پھولوں کی خریداری نہیں ہو رہی ہے جس طرح سے پھولوں کی خرید و فروخت پہلے ہوتی تھی وہ اب پہلے کی طرح نہیں ہے۔

کاروباریوں نے بتایا کہ کورونا وائرس اور پچھلے دنوں لاک ڈاؤن کے چلتے ہر چیز مہنگی ہوئی ہے، تو وہیں پھولوں پر بھی مہنگائی کا اثر دیکھنے کو مل رہا ہے۔

پھول کے کاروباری نے بتایا کہ گزشتہ برس پھول 30 روپے کلو ملا اور بازار میں 50 روپے کلو تک فروخت ہوا، لیکن اس سال 80 روپے کلو مل رہا ہے اور 100 روپے کلو میں فروخت ہو رہا ہے۔

مہنگائی کے سبب پھولوں کا کاروبار شدید متاثر ہوا ہے۔