رامپور میں اب تک کا یہ پہلا معاملہ ہے، جب یہاں کورونا وائرس سے متاثر مریضوں کی شناخت ہوئی ہے۔
جبکہ رامپور کے ٹانڈہ میں کوارنٹین کئے گئے، تبلیغی جماعت کے 17 ارکان کی کل منفی رپورٹ آئی تھی۔
ریاستی حکومت کی جانب سے یو پی کے 15 اضلاع کو سیل کرتے ہی رامپور میں کورونا کے ایک ساتھ پانچ افراد میں کورونا وائرس کی تصدیق ہوئی ہے۔
جن 15 اضلاع کو سیل کیا گیا ہے ان میں رامپور کا نام نہیں ہے۔ اب اچانک یہ پانچ نام سامنے آجانے سے انتظامیہ کے بھی پورے طور پر الرٹ ہو گیا ہے۔
اطلاعات کے مطابق یہ پانچوں افراد اتراکھنڈ کے باشندے ہیں۔ بتایا جا رہا ہے کہ یہ لوگ مرکز نظام الدین تو نہیں گئے تھے، لیکن اس بات جانچ پڑتال کی جا رہی ہے کہ یہ لوگ اب تک کس کس کے رابطے میں آئے۔
جبکہ رامپور کے ٹانڈہ میں کوارنٹین کئے گئے تبلیغی جماعت کے 17 ارکان سے متعلق جانکاری دیتے ہوئے سی ایم او سبودھ کمار نے کل ہمیں بتایا تھا کہ تمام 17 ارکان کی کورونا رپورٹ منفی آئی ہے۔
