پٹاخے کے انبار میں آتشزدگی، خاتون ہلاک

ریاست اترپردیش کے ضلع میرٹھ کے سردھنہ تھانہ علاقے میں آتش بازی کے لیے رکھے گئے پٹاخے کے انبار میں اچانک آگ لگ گئی جس کی زد میں آنے سے ایک خاتون ہلاک ہوگئی اور تین افراد زخمی ہوئے ہیں۔

زخمی افراد کو اسپتال میں علاج کے لیے داخل کرایا گیا ہے۔

فائربریگیڈ کا عملے نے جائے حادثہ پر پہنچ کر آگ پر قابو پا لیا ہے۔ آگ لگنے سے گھر میں دھماکہ ہونے لگا جس سے مکان کو بھی کافی نقصان پہنچا ہے ہے۔ اس واقعے بعد اطراف کے علاقوں میں افراتفری مچ گئی۔

ایس پی اویناش پانڈے نے بتایا کہ 'آگ لگنے کی وجہ معلوم نہیں ہو سکی ہے۔ اس کا سبب معلوم کیا جا رہا ہے۔'

واضح رہے کہ دو روز قبل میرٹھ کے ڈی پی آر او کے دفتر میں آگ لگ گئی تھی جس میں تمام سرکاری کاغذات جل کر خاک ہو گئے تھے۔

میرٹھ میں آگ لگنے کی وارداتوں میں آئے دن اضافہ ہو رہا ہے لیکن اس پر قابو پانے کے لیے ضلع انتظامیہ ٹھوس اقدامات کرنے میں ناکام ہے۔