ریاست اترپردیش کے بلیا میں ایک سابق وزیر سمیت سماجوادی پارٹی کے پانچ رہنماؤں اور 40 سے زائد نامعلوم افراد کے خلاف کووڈ-19 کے پیش نظر عائد ممنوعہ احکامات کی خلاف ورزی کے الزام میں ایف آئی آر درج کی گئی ہے۔
زمین سے متعلق ایک معاملے پر ایس پی کارکنوں نے سکندر پور سے ضلعی ہیڈ کوارٹر تک سب ڈویژنل مجسٹریٹ کے خلاف احتجاجی مارچ نکالہ تھا، جس کے بعد پولیس نے ان پر ایف آئی آر درج کی ہے۔
سٹی پولیس اسٹیشن کے ایس ایچ او، وپن سنگھ نے کہا 'ایس پی کے پانچ رہنماؤں کے خلاف ایف آئی آر درج کی گئی ہے، جن میں سابق وزیر محمد زیاالدین رضوی، ایس پی ضلعی صدر راجمنگل یادو، سابق ایم ایل اے سنگرام سنگھ یادو اور 35-45 نامعلوم افراد کے خلاف لاک ڈاون کی خلاف ورزی کرنے کے لئے آئی پی سی اور وبائی ایکٹ کے متعلقہ دفعات کے تحت مقدمہ درج کیا گیا ہے'۔
