مرکزی حکومت کی جانب سے کسانوں کے لئے لائے گئے زرعی قانون کے خلاف آج گوتم بدھ نگر میں سیکڑوں کسانوں نے سڑکوں پر نکل کر مرکزی حکومت کے خلاف احتجاج کیا۔
اس دوران کسان یونین کے قومی صدر بھانو پرتاپ سنگھ کی قیادت میں کلکٹریٹ پہنچے کسانوں نے حکومت کے خلاف نعرہ بازی کرتے ہوئے صدر جمہوریہ کے نام ڈسٹرک مجسٹریٹ کو ایک میمورنڈم پیش کیا۔
کسانوں نے کہا کہ 'وزیراعظم مودی اقتدار میں آنے سے پہلے کسانوں سے وعدہ کیا تھا کہ جب ہم اقتدار میں آئیں گے تو کسانوں کے مفاد کی بات کریں گے اور کسانوں کا قرض معاف کردیں گے، لیکن یہ سب کرنے کے بجائے ملک میں نوٹ بندی کر دی، جس کی وجہ سے ہزاروں کسانوں نے خودکشی کرلی اور آج بھی کسانوں پر تشدد کیا جارہا ہے۔
بھارتی کسان یونین کے قومی صدر بھانو پرتاپ سنگھ نے کہا کہ حکومت کی جانب سے کسانوں کے لئے کسان کمیشن بنایا جائے، جس سے کسانوں کا فائدہ ہوسکے۔
