ریاست اتر پردیش کے ضلع مئو میں کسان سنگھرش مورچا کی جانب سے چوپال کا انعقاد کیا گیا۔ چوپال میں مقامی کسانوں نے شرکت کی۔ اس موقع پر کسان چوپال کو خطاب کرتے ہوئے کسان رہنما اوم پرکاش یادو نے کہا کہ زرعی قوانین کی واپسی تک کسانوں کا احتجاج جاری رہے گا۔
انہوں نے کہا کہ اس کے لیے کسان کوئی بھی قربانی دینے کو تیار ہے، مقامی کسانوں نے بھی زرعی قوانین واپس لینے کا مرکزی حکومت سے مطالبہ کیا۔ کسان سنگھرش مورچا نے انتباہ کیا ہے کہ تینوں زرعی قانون واپس نہیں ہونے کی صورت میں بڑے پیمانے پر مقامی کسان بھی احتجاج کرنے پر مجبور ہوں گے۔
کسانوں کی حمایت میں مئو میں کسان چوپال
چوپال میں شرکت کرنے والے کاشتکاروں نے کہا کہ ہم نے ہی ووٹ دیکر مرکز اور ریاست میں بی جے پی کو حکومت سازی کا موقع دیا ہے، لیکن حکومت ہمارے ہی خلاف قانون نافذ کر رہی ہے۔
