ریاست اترپردیش ضلع مظفر نگر میں کوروناوائرس کے ایک ساتھ آٹھ مثبت کیسز ملنے سے محکمہ صحت میں ہلچل مچ گئی۔
ان میں سے ایک مثبت کیس جنپد بجنور کا رہنے والا ہے جو مظفر نگر میں پایا گیا ہے، لیکن مثبت کیسز کی گنتی میں اسے نہیں جوڑا جائے گا۔
اس لیے اب کورونا مثبت مریضوں کی تعداد 114 رہ گئی ہے، جس میں ڈاکٹرز کی ٹیم نے آج تین مثبت مریضوں کو ٹھیک بھی کیا ہے۔
واضح رہے کہ مظفر نگر میں اب تک 11 کورونا مثبت افراد کی موت بھی ہوچکی ہے، جبکہ ریاست اترپردیش کے ضلع مظفر نگر میں کورونا وائرس کیسز برابر بڑھ رہے ہیں۔
خیال رہے کہ آج بھی ضلع میں آٹھ کورونا کیسز سامنے آئے ہیں، جس کے بعد ضلع انتظامیہ میں ہلچل مچی ہوئی ہے۔
بتایا جارہا ہے کہ آج 43 افراد کی رپورٹ موصول ہوئی، جن میں آٹھ مثبت ہیں، اور دیگر تمام رپورٹ منفی آئی ہیں۔
خیال رہے کہ ان میں سے ایک بجنور، ایک بڑھانا، ایک منصور، دو جانسٹھ، ایک سرکولر روڈ، دو جانسٹھ سے ملے ہیں۔
واضح رہے کہ ان سبھی مریضوں کو بیگراج پور میڈیکل کالج مظفر نگر کے آئی سولیشن وارڈ میں داخل کیا گیا۔
میڈیکل کالج کے ڈاکٹرز کی ٹیم نے پہلے ہی تقریباً 271 متاثرہ افراد کو صحتیاب کرکے گھر بھیج دیا ہے، جبکہ یہ تمام جانکاری اے ڈی ایم مظفر نگر نے دی۔
