ضلع بدایوں میں اس بار دیوالی تو منائی گئی مگر کورونا کی وجہ سے اس کی چمک کچھ کم ہو گئی۔
غور طلب ہے کہ اس سال کی دیوالی گذشتہ تمام سالوں کے مقابلے الگ ہے کیونکہ اس بار کورونا وائرس کے سبب عام حالات اب عام نہیں رہے اور تمام تہوار احتیاطی تدابیر کے ساتھ منائے جا رہے ہیں۔
نمائندہ ای ٹی وی بھارت سے بات کرتے ہوئے مقامی لوگوں نے بتایا کہ کورونا کے سبب اس مرتبہ دیوالی کچھ ہلکی رہی، باقی دیگر لوگوں نے دیوالی بڑی خوشی کے ساتھ منائی۔
ایک مقامی باشندہ کا کہنا تھا کہ گذشتہ سال کے مقابلے اس برس لوگوں نے خریداری کم کی۔ عوام نے طبی احتیاط جیسے ماسک اور دیگر ہدایات کا خیال رکھتے ہوئے دیوالی کا اہتمام کیا۔
واضح رہے کہ ریاست اتر پردیش کے ضلع بدایوں میں دیوالی کی شروعات کے ساتھ ہی محکمہ پولس الرٹ پر ہے اور عوام کے تحفظ کے لیے جگہ جگہ سکیورٹی اہلکار تعینات کیے گئے ہیں۔ رواں برس کی دیوالی 14 نومبر کو منائی گئی۔
