بارہ بنکی: ریاست اترپردیش کی راجدھانی لکھنؤ سے منسلک بارہ بنکی میں بلدیاتی انتخاب میں ٹکٹ تقسیم پر گھپلے بازی کا الزام لگاتے ہوئے بی جے پی کارکنوں نے ضلع دفتر پر احتجاج کیا۔ اس درمیان ایک کارکن نے جلنے والا مادہ خود پر ڈال کر خودکشی کرنے کی کوشش کی۔ بلدیاتی الیکشن کے سلسلے میں اتوار دیر شام بی جے پی دفتر میں افراتفری کا ماحول تھا۔ میونسپل کارپوریشن میں ٹکٹ اعلان کے بعد کارکنوں کے درمیان مایوسی دیکھی گئی۔ اس درمیان محلہ مخدوم پور کے بی جے پی کارکن ترون نامی ایک نوجوان نے جلنے والی اشیاء ڈال کر خودکشی کی کوشش کی لیکن مقامی افراد کی کوششوں سے اسے بچا لیا گیا۔
ترون نے الزام لگایا کہ ضلع کمیٹی نے پیسے لے کر ٹکٹ فروخت کئے ہیں۔ اسی طرح رسولپور وارڈ سے لگاتار تین بار بی جے پی کے ٹکٹ پر جیت درج کرنے والے گوندا کا ٹکٹ کاٹ دیا گیا۔ کئی دیگر وارڈ کے کارکن بھی پارٹی کمیٹی سے ناراض ہے۔ واقعہ کے وقت دفتر میں ایم پی اپیندر راوت و ضلع انچارج سمیت دیگر لیڈران و کارکنان موجود تھے۔ کارکنان نے اسے مائل اشیاء ڈالتے ہوئے دیکھ دوڑ کر پکڑ لیا۔ہنگامے کے درمیان بی جے پی ضلع صڈر ششانک کسمیش نے کارکنوں کو سمجھایا بجھایا۔ موقع پر پولیس نے بھی پہنچ گئی۔ کچھ دیر بعد معاملہ پرامن کرایا جاسکا۔ وہیں سنت کبیر نگر میں بی جے پی سے ٹکٹ نہ ملنے کے بعد خاتون امیدوار آزاد امیدوار کے طور پر میدان میں اتر گئیں ہیں۔ خاتون امیدوار نے بی جے پی پر سنگین الزامات لگائے ہیں۔ یوپی میں بلدیاتی انتخابات دو مرحلوں میں ہوں گے۔ 4 مئی کو پہلے اور دوسرے مرحلے کی ووٹنگ 11 مئی کو ہوگی جبکہ نتائج 13 مئی کو آئیں گے۔
یہ بھی پڑھیں: UP Municipal Elections بی جے پی نے 300 سے زیادہ مسلمانوں کو ٹکٹ دیا
یو این آئی
