ناسک میں سڑک حادثہ، ٹیمپو اور ٹرک کے تصادم میں چھ افراد ہلاک، پانچ زخمی

حادثہ شام 7:30 بجے ایپا مندر کے قریب پیش آیا۔ ٹیمپو میں 16 مسافر سوار تھے جو ایک مذہبی تقریب سے واپس آ رہے تھے۔

ناسک: ناسک ممبئی ہائی وے فلائی اوور پر اتوار کو ایک ٹیمپو اور ٹرک کے بیچ ٹکر میں کم از کم چھ افراد ہلاک اور پانچ دیگر زخمی ہو گئے۔ ناسک پولیس نے بتایا کہ زخمیوں میں سے دو کی حالت نازک ہے۔ وہ ضلع اسپتال میں زیر علاج ہیں۔

بتایا جا رہا ہے کہ یہ واقعہ شام 7:30 بجے آیاپا مندر کے قریب پیش آیا۔ 16 مسافروں کو لے کر ایک ٹیمپو نپھاڑ میں ایک مذہبی تقریب سے واپس آ رہا تھا۔ ٹیمپو ناسک کے سڈکو علاقہ کی طرف جا رہا تھا۔ ٹیمپو ڈرائیور گاڑی سے کنٹرول کھو بیٹھا اور لوہے کی سلاخوں سے لدے ایک ٹرک کو پیچھے سے ٹکر مار دی۔ اس حادثے میں کئی مسافروں کی موقعے پر ہی موت ہو گئی، جب کہ متعدد افراد کے زخمی ہونے کی اطلاع ہے۔

#WATCH | Maharashtra | Visuals from the Nashik Mumbai Highway flyover where 6 people lost their lives in an accident between a pickup and a mini truck.

5 other people are injured out of which 2 are in critical condition. The injured are being treated at the district hospital:… pic.twitter.com/RIYbwNCxFd

— ANI (@ANI) January 12, 2025

حادثے کے بارے میں ایک پولیس اہلکار نے بتایا کہ ٹیمپو میں 16 مسافر سوار تھے۔ سب سڈکو ایریا جا رہے تھے اور نپھاڑ میں ایک مذہبی تقریب سے واپس آ رہے تھے۔ اسی دوران ٹیمپو کا ڈرائیور دوارکا سرکل کے پاس گاڑی پر کنٹرول کھو بیٹھا اور لوہے کی سلاخوں سے لدے ٹرک کے پیچھے سے ٹکرا گیا۔ تصادم کی شدت کا اندازہ اس بات سے لگایا جا سکتا ہے کہ کئی لوگوں کی موقعے پر ہی موت ہو گئی۔

Maharashtra | 6 people have lost their lives in an accident between a pickup and a mini truck on the Nashik Mumbai Highway flyover. 5 other people are injured out of which 2 are in critical condition. The injured are being treated at the district hospital: Nashik Police

— ANI (@ANI) January 12, 2025

پولیس افسر کے مطابق بعض زخمیوں کو تشویشناک حالت میں مقامی اسپتال میں داخل کرایا گیا ہے۔ حادثے کے بعد پولیس کے علاوہ فائر فائٹرز اور مقامی لوگوں نے راہگیروں کے ساتھ مل کر راحت اور بچاؤ کام شروع کیا۔ کچھ زخمیوں کا علاج ضلع اسپتال کے علاوہ نجی اسپتالوں میں بھی کیا جارہا ہے۔حادثے اور زخمیوں کی حالت کو دیکھتے ہوئے ہلاکتوں میں اضافے کا خدشہ ہے۔