نئی دہلی: پریاگ راج جانے والے مسافروں کی بہت زیادہ بھیڑ کی وجہ سے نئی دہلی ریلوے اسٹیشن پر بھگدڑ مچ گئی۔ اس حادثے میں 18 لوگوں کی موت ہو گئی۔ جب کہ 12 زخمیوں کو اسپتال میں داخل کرایا گیا ہے۔ یہ حادثہ پلیٹ فارم نمبر 12، 13، 14، 15 اور 16 پر بھاری بھیڑ کی وجہ سے پیش آیا۔ مرکز نے واقعے کی تحقیقات کا حکم دے دیا ہے۔ ایل این جے پی اسپتال میں 15 اور لیڈی ہارڈنگ اسپتال میں افراد افراد کو مردہ قرار دے دیا گیا۔
ابتدائی تحقیقات سے پتہ چلا کہ پلیٹ فارم 13 اور 14 پر آنے والی ٹرینیں لیٹ تھیں اور بھیڑ کا دباؤ مسلسل بڑھ رہا تھا۔ اسی دوران پلیٹ فارم 16 سے اسپیشل ٹرین کے اعلان کے بعد بھیڑ قابو سے باہر ہو گئی اور بھگدڑ مچ گئی۔ اس ٹرین کو پہلے پلیٹ فارم نمبر 12 سے نکلنا تھا۔ ریلوے حکام کے مطابق اتوار کی چھٹی ہونے کی وجہ سے ہفتہ کو بڑی تعداد میں لوگ پریاگ راج جانے کے لیے جمع ہوئے۔ ہفتہ کو بھی بہت سارے جنرل ٹکٹ فروخت ہوئے۔
#WATCH | Stampede at New Delhi railway station | A porter (coolie) at the railway station says " i have been working as a coolie since 1981, but i never saw a crowd like this before. prayagraj special was supposed to leave from platform number 12, but it was shifted to platform… pic.twitter.com/cn2S7RjsdO
— ANI (@ANI) February 16, 2025
'گاڑی کا پلیٹ فارم بدلنے سے مچی بھگدڑ'
نئی دہلی ریلوے اسٹیشن پر کام کرنے والے ایک قلی نے بھگدڑ کی وجہ بتاتے ہوئے کہا کہ پریاگ راج اسپیشل ٹرین کو پلیٹ فارم نمبر 12 سے روانہ ہونا تھا، لیکن اسے پلیٹ فارم نمبر 16 پر منتقل کر دیا گیا۔ جب پلیٹ فارم نمبر 12 پر انتظار کرنے والی بھیڑ اور باہر انتظار کرنے والے لوگوں نے پلیٹ فارم 16 تک پہنچنے کی کوشش کی تو لوگ ایک دوسرے سے ٹکرا کر ایسکلیٹرز اور سیڑھیوں پر گر پڑے اور بھیڑ کے نیچے کچل گئے۔
ریلوے کا معاوضے کا اعلان
وہیں ریلوے نے مرنے والوں کے لواحقین کے لیے 10 -10 لاکھ روپے، شدید زخمیوں کے لیے 2.5 لاکھ روپے اور معمولی زخمیوں کے لیے ایک لاکھ روپے کے معاوضہ دینے کا اعلان کیا گیا ہے۔ ریلوے بورڈ کے چیئرمین ستیش کمار جائے وقوع کا معائنہ کرنے ریلوے اسٹیشن پہنچے اور معاملے کی اعلیٰ سطح کی جانچ کا حکم دیا۔ وزیر اعظم نریندر مودی، وزیر داخلہ امت شاہ اور لیفٹیننٹ گورنر وی کے سکسینہ نے اس واقعے پر افسوس ظاہر کرتے ہوئے مرنے والوں کے اہل خانہ سے تعزیت کا اظہار کیا اور زخمیوں کی جلد صحت یابی کی خواہش کی۔
Distressed by the stampede at New Delhi Railway Station. My thoughts are with all those who have lost their loved ones. I pray that the injured have a speedy recovery. The authorities are assisting all those who have been affected by this stampede.
— Narendra Modi (@narendramodi) February 15, 2025
یہ واقعہ رات تقریباً 8.30 بجے پلیٹ فارم نمبر 14/15 پر پیش آیا، جب مسافر پریاگ راج جانے والی دو ٹرینوں کا انتظار کر رہے تھے، لیکن یہ ٹرینیں لیٹ ہو گئیں جس کی وجہ سے بھیڑ کا دباؤ بڑھتا گیا اور پھر اسی بیچ ایک دوسرے پلیٹ فارم (16 نمبر) سے پریاگ راج کے لیے ایک نئی ٹرین کا اعلان کر دیا گیا جس کی وجہ سے گاڑی پکڑنے کی ہوڑ میں بھیڑ بے قابو ہو گئی اور پھر بھگدڑ مچ گئی۔ بھیڑ میں افراتفری اور دھکا مکی کی وجہ سے کچھ لوگ پلیٹ فارم پر گر گئے اور بھیڑ میں کچل گئے۔
VIDEO | " 15 people were brought dead here (lnjp hospital) and their families have been informed, and around the same number of injured have been admitted here. this is a very tragic incident... all, expect two, have been identified. the injured are undergoing treatment. we pray… pic.twitter.com/5vriZJ25iI
— Press Trust of India (@PTI_News) February 15, 2025
وزیر ریلوے نے کہا 'حالات قابو میں '
ریلوے کے وزیر اشونی ویشنو نے ٹویٹ کیا کہ "نئی دہلی ریلوے اسٹیشن پر حالات قابو میں ہیں۔ دہلی پولیس اور آر پی ایف پہنچ گئے ہیں۔ زخمیوں کو اسپتال لے جایا گیا ہے۔ بھیڑ کو ہٹانے کے لیے خصوصی ٹرینیں چلائی جارہی ہیں۔
