آنگن واڑی ورکرز کے ساتھ انصاف کرنے کا مطالبہ

اترپردیش کے مرادآباد ضلع میں آنگن واڑی تعلیمی سینٹر میں بچوں کو تعلیم دے رہی ٹیچرز نے جمعے کو مرادآباد ڈی ایم دفتر گیٹ کے باہر ہاتھوں میں تختیاں لیکر احتجاج کیا۔اور ڈی ایم راکیش کمار کے ذریعہ وزیر اعلٰی یوگی آدتیہ ناتھ کو ایک میمو رنڈم دیا۔

اس موقع پر انھوں نے کہا کہ آنگن واڑی سینٹر میں کام کر رہی 62 برس کی ملازموں کو زبردستی نکالا جارہا ہے۔ میمورنڈم کے ذریعہ یہ مطالبہ کیا گیاکہ کام کر رہی آنگن واڑی ورکرز کو وظیفہ دیا جائے، فنڈ دیا جائے اور ان کے بعد ان کی نوکری انکے بچوں دی جائے۔

انھوں نے کہا کہ ملک بھر میں پلس پولیو کو انھوں مات دی ہے۔اور یوگی جی آنگن واڑی ورکرز کے پیٹ پر مار رہے ہیں۔