لیہہ، لداخ: لیفٹیننٹ گورنر کے مشیر پون کوتوال کو لداخ کا پہلا چیف سیکرٹری بنایا گیا ہے۔ ڈاکٹر پون کوتوال 1994 بیچ کے آئی اے ایس افسر ہیں۔ وہ اب لداخ کے چیف سکریٹری کا عہدہ سنبھالیں گے۔ تاہم ان کی موجودہ ذمہ داریوں میں کوئی تبدیلی نہیں کی گئی ہے۔
پچھلے مہینے کے شروع میں، وزارت داخلہ نے لداخ کے لیے چیف سکریٹری کے عہدے کو منظوری دی تھی اور پون کوتوال لیفٹیننٹ گورنر کے مشیر کا کردار ادا کر رہے تھے۔ مرکزی حکومت نے انڈین ایڈمنسٹریٹو سروس رولز میں ترمیم کے لیے تین جنوری 2025 کو ایک نوٹیفکیشن جاری کیا۔ ترمیم کے بعد، چیف سکریٹری کا عہدہ بھی لداخ کے لیے منظور کردہ 14 انڈین ایڈمنسٹریٹو سروس پوسٹوں میں شامل کر دیا گیا۔
ڈاکٹر پون کوتوال، 1994 بیچ (AGMUT کیڈر) کے ایک IAS افسر، جو اس وقت لداخ کے لیفٹیننٹ گورنر کے مشیر کے طور پر خدمات انجام دے رہے ہیں، اب اپنے فرائض اور ذمہ داریوں میں کسی تبدیلی کے بغیر چیف سکریٹری، یوٹی آف لداخ کا عہدہ سنبھالیں گے۔ اب لیفٹیننٹ گورنر کے مشیر" کو پہلے مخاطب کیے گئے تمام سرکاری مواصلات اب چیف سکریٹری، یو ٹی آف لداخ کو بھیجے جائیں گے۔
اپنے کریئر کے دوران ڈاکٹر کوتوال نے جموں و کشمیر اور لداخ میں مختلف اہم عہدوں پر فائز رہے ہیں جن میں جموں کے ڈویژنل کمشنر، جموں و کشمیر کے متعدد اضلاع میں ڈپٹی کمشنر اور صحت اور طبی تعلیم، محصولات، جنگلات جیسے محکموں میں پرنسپل سیکرٹری شامل ہیں۔
مزید پڑھیں: بارہویں تک نہ تو لکھنے اور نہ ہی اردو پڑھنے سے دلچسپی تھی، افسانہ نگار سہیل سالم
ماحولیات اور منصوبہ بندی کی ترقی اور نگرانی کے محکمے کے ساتھ ساتھ مختلف دیگر محکموں میں کمشنر/ سیکرٹری اور انتظامی سیکرٹری پر فائز رہے۔ انہوں نے محکمہ ریونیو میں فینانشل کمشنر، انسپکٹر جنرل آف رجسٹریشن اور جموں و کشمیر کے وزیر اعلیٰ کے سیکرٹری کے طور پر بھی خدمات انجام دی ہیں۔
