اترپردیش حکومت میں کابینہ کے وزیر ڈاکٹر مہندر سنگھ آج کورونا مریضوں کا جائزہ لینے مرادآباد پہنچے جہاں انہوں نے کووڈ کمانڈ کنٹرول سینٹر کا معائنہ کیا اور کورونا مثبت مریضوں سے بات چیت کی۔
اس دوران ریاستی وزیر نے کہا کہ مرادآباد میں کووڈ کمانڈ کنٹرول سینٹر کے ذریعے کورونا پر کافی حد تک قابو پالیا گیا ہے، انہوں نے کہا کہ 30 اپریل کو اترپردیش میں کل تین لاکھ دس ہزار سات سو تراسی کورونا مثبت کیس تھے جو اب گھٹ کر 84 ہزار 880 رہ گئے ہیں تقریباً دو لاکھ 25 ہزار کیسوں میں کمی آئی ہے۔
ریاستی وزیر نے یہ بھی کہا کہ آج ضلع مرادآباد کے دیگر ہسپتالوں میں خالی بیڈ کی جانکاری لینی ہے تو کووڈ کمانڈ کنٹرول سینٹر سے لے سکتے ہیں۔
آگے انہوں نے کہا کہ اب کسی بھی مریض کو پریشانیوں کا سامنا کرنا نہیں پڑے گا اب میڈیکل کی ٹیم دواؤں کے ساتھ مریضوں کے گھر پہنچے گی اور کورونا متاثرہ لوگوں کا علاج کرے گی۔
