نہر میں ڈوبنے سے دو افراد ہلاک

ریاست اترپردیش کے شہر بارہ بنکی کے فتح پور میں ایک ٹریکٹر ٹرالی نہر میں گر گئی، جس کے سبب دو افراد ہلاک ہو گئے۔

فتح پور میں ٹریکٹر ٹرالی کے نہر میں گرنے کے 19 گھنٹے بعد اس میں سوار دو افراد کی لاش برآمد کی گئی۔

یہ واقعہ اس وقت پیش آیا جب سےساڑھے مؤ علاقے سے تعلق رکھنے والے اندریش کمار اور سدگیر کمار ٹریکٹر پر سوار کھیتوں کی طرف جارہے تھے۔ راستے میں ان کا ٹریکٹر نہر میں گرگیا، لیکن حادثے کے وقت کسی کے بھی موجود نہ ہونے کی وجہ سے ان کے اہل خانہ کو حادثے کی خبر نہیں ملی۔

مہلوکین کے اہل خانہ کا کہنا ہے: 'جب دوپہر تک دونوں لوگ گھر واپس نہیں لوٹے تو انہوں نے انہیں ڈھونڈنا شروع کیا اور پولیس کو بھی اطلاع دی۔ رات بھر ڈھونڈے کے بعد دونوں کی لاشیں صبح 4 بجے نہر سے برآمد کی گئیں۔'