مراد آباد: کووڈ کمانڈ سینٹر میں مریضوں کے لیے 24 گھنٹے کی خدمات

ملک میں کورونا کی دوسری لہر خطرناک رخ اختیار کر چکی ہے۔ دن بدن کورونا کے مریضوں کی تعداد میں اضافہ ہوتا جا رہا ہے۔ کورونا کے مریضوں کی دیکھ بھال کے لیے بھی کووڈ سینٹر بھی بنائے گئے ہیں جہاں سے انہیں علاج میں آسانی ہو سکے۔

اترپردیش کے ضلع مرادآباد کے مشاعرہ گراؤنڈ میں کووڈ کمانڈ کنٹرول سینٹر بنایا گیا ہے۔ یہاں سے 24 گھنٹے کورونا مریضوں کی دیکھ بھال کی جاتی ہے۔

اس سینٹر سے کورونا مثبت مریضوں کی دیکھ بھال کے ساتھ ساتھ ضلع کی رپورٹ بھی تیار کی جاتی ہے۔

اسی کے ساتھ جہاں کورونا کیسز ملتے ہیں اس علاقے میں سیناٹائزیشن کا کام بھی کروایا جاتا ہے۔

سینٹر میں موجود ملازمین نے بتایا کہ کورنا مریضوں کو فون کرکے ہم ان سے حال چال جانتے رہتے ہیں، ساتھ ہی اگر انہیں کسی طرح کی ضرورت ہوتی ہے تو مہیا کرائی جاتی ہے۔