ریاست اترپردیش کے شہر سہارنپور میں برطانیہ سے 18 افراد واپس لوٹ آئے ہیں۔برطانیہ سے سہارنپور واپس آنے والے 18 افراد کے محکمہ صحت کی ٹیم نے نمونے لیے ہیں۔ تمام افراد کو جانچ کے لئے گورنمنٹ میڈیکل کالج بھیجا گیا ہے ۔
اس کے ساتھ ان تمام افراد کو محکمہ صحت کی ٹیم کی نگرانی میں رکھاجائے گا، حالانکہ ان میں اب تک کسی کو بھی کسی دوسری بیماری جیسے شدید بخار ، وغیرہ کی کوئی شکایت نہیں ہوئی ہے، جس سے محکمہ صحت کی ٹیم راحت محسوس کررہی ہے۔
واضح رہے کہ یورپ کے عوام ملک میں دوبارہ پھیلے کورونا کی وجہ سے خوف و ہراس کا شکار ہیں۔ محکمہ صحت کو لکھنو اور پنجاب سے ایک فہرست موصول ہوئی ہے، جو برطانیہ سے سہارنپور لوٹ آئے ہیں ۔ جس کے بعد صحت کے حکام کو الرٹ کردیا گیا ہے، ساتھ ہی انہوں نے ایسے لوگوں کی تلاش شروع کردی ہے جو برطانیہ اور دیگر ممالک سے واپس آئے ہیں۔ تاکہ سہارنپور پہنچنے والے تمام لوگوں کا کورونا نمونہ حاصل کیا جاسکے۔
محکمہ صحت کے لئے راحت کی بات یہ ہے کہ کسی کو بھی کھانسی، بخار اور نزلہ جیسی علامات نہیں ہیں، ان کے نمونے کو گورنمنٹ میڈیکل کالج کو دیا گیا ہے، جس کی رپورٹ آج رات دیر تک متوقع ہے ۔
چیف میڈیکل آفیسر ڈاکٹر بی ایس سوڈھی نے بتایا کہ ہمیں لکھنو سے سہارنپور پہنچنے والے 18 افراد کی ایک فہرست موصول ہوئی ہے، ہم نے تمام لوگوں کا سراغ لگا لیا ہے اور ان کے کورونا نمونے لیے لئے ہیں، جن کی رپورٹ آج رات تک آئے گی۔
