ریاست اتر پردیش کے ضلع امروہہ میں کانگریس کمیٹی اور سٹی کانگریس کمیٹی کے جانب سے ایک مشترکہ پریس کانفرنس کا انعقاد کیا گیا، جس میں کانگریس کے ریاستی صدر اجے کمار للو پر عائد تمام الزامات کو بے بنیاد بتاتے ہوئے حکومت سے ان کی رہائی کا مطالبہ کیا گیا۔
کانگریس کمیٹی کی جانب سے پریس کانفرنس کا انعقاد۔ویڈیو
اس دوران کانگریس ضلع صدر اومکر کٹاریہ نے کہا کہ 'ہمارے ریاستی صدر پر لگائے گئے تمام الزامات غلط اور بے بنیاد ہیں بلکہ ان کی واحد غلطی یہ تھی کہ انہوں نے مزدوروں کے لئے 1000 بسیں اور راشن مہیا کرایا تھا۔
انہوں نے یہ بھی کہا کہ ریاستی حکومت ہم پر ہزار الزامات عائد کردے لیکن کانگریس پارٹی مہاجر مزدوروں اور مساکین کی خدمت جاری رکھے گی۔
