اترپردیش کے ضلع کانپور کے چوبے پور تھانہ علاقہ میں انعامی ملزم محمد انوار اور اویناش گپتا پر گئو کشی کا کاروبار کرنے کے الزام کے تحت کیس درج کیا گیا تھا، دونوں ملزمین پر گینگسٹر ایکٹ کے تحت کیس درج ہے اور وہ پولیس کی وانٹیڈ لسٹ میں ہیں۔
مقامی پولیس دونوں ملزمین کو کافی عرصہ سے تلاش کررہی تھی اور ان کی گرفتاری کے لیے پولیس نے کئی ٹیمیں تشکیل دی تھیں۔
پولیس کو خفیہ اطلاع ملی کہ یہ بدمعاش چوبے پور کے علاقے میں کسی واردات کو انجام دینے جارہے ہیں جس کے بعد پولیس نے جال بچھا کر ملزمین کو گھیر لیا اور اسی درمیان پولیس اور ملزمین کے مابین گولیوں کا تبادلہ شروع ہوگیا۔
پولیس کی کافی تگ و دو کے بعد ملزمین کی پیروں پر گولیاں چلائی اور گرفتار کرکے انھیں علاج کے لیے اسپتال میں داخل کرادیا۔ دونوں بدمعاشوں پر پولیس نے پچیس ہزار روپئے کا انعام رکھا ہوا تھا۔
وہی تیسرا بدمعاش سنوج کمار جو مہاراج پور تھانے علاقے میں پولیس تصادم میں گولی لگنے سے زخمی ہوا ہے، اسے بھی گرفتار کرلیا گیا ہے۔ ملزم پر کانپور کے الگ الگ تھانوں میں سنگین جرائم کے تحت پندرہ سے زیادہ مقد مات درج ہیں، پولیس نے اسے بھی علاج کے لیے اسپتال میں داخل کرایا ہے۔
واضح رہے کہ لال ڈاؤن میں نرمی ملتے ہی شہر کے شاطر قسم کے بدمعاش متحرک ہو گئے ہیں اور واردات کو انجام دینے کی کوشش کررہے ہیں لیکن یہاں پولیس نے بھی مستعدی دکھاتے ہوئے بدمعاشوں پر اپنا شکنجہ کسنا شروع کر دیا ہے۔
