بارہ بنکی : چور وں کے گروہ کا انکشاف

ریاست اتر پردیش کے ضلع بارہ بنکی میں پولیس نے چوروں کے ایک گروہ کا انکشاف کیا ہے ۔چوروں کا یہ گروہ زیر تعمیر شاہراہ پر تعمیراتی سامانوں کی چوری کیا کرتا تھا ۔اس کے بعد لکھنو میں کباڑیوں کے ہاتھوں سامان فروخت کیا کرتا تھا ۔ گروہ کے سرغنہ پر دودرجن سے زیادہ مقدمات درج ہیں ۔ان کے پاس سے 2 گاڑیاں ،لوہے کی پسڈلس اور ھمنچہ و کارتوس بر آمد کیا ہے

چوروں کے گروہ کے انکشاف کے بعد پولیس سپریٹینڈنٹ یمونا پرساد نے بتایا کہ لونی کٹرہ تھانے کی پولیس نے مخبر کی اطلاع پر جمعہ کو الیاس پور گاؤں سے ڈبلو گپتا، بؤا کشیپ، سٹھون عرف متھلیش، دیپک کمار عرف آزاد، ونئے پانڈے اور محمد رضوان کو گرفتار کیا ہے۔

انہوں نے بتایا کہ چوروں کا یہ گروہ سات سے آٹھ افراد پر مشتمل ہے ۔اور گروہ کے تمام اراکان کم پڑھے لکھے ہیں. لیکن نہایت شاطر ہیں.

انہوں نے مزید کہا کہ یہ لوگ شاہراہ پر تعمیراتی سامان کے علاوہ وہاں موجود دیگر سامان کو بھی چراتے تھے ۔. یہ لوگ اس وقت کا انتظار کرتے ہیں جب سائیٹ پر کم مزدور ہوتے ہیں. اس کے بعد رات میں سامان کی چوری کرتے تھے. پھر لکھنؤ کے نادرگنج علاقے میں ان کے طئے شدہ کباڑیوں کی دکان پر فروخت کر دیتے تھے.