یوم آزادی کے موقع پر پریڈ ریہرسل کے پیش نظر نوئیڈا کی تمام سرحدوں سے دہلی میں بڑی گاڑیوں کا داخلہ روک دیا گیا ہے۔ یہ فیصلہ نوئیڈا ٹریفک پولیس اور دہلی پولیس کی میٹنگ کے بعد لیا گیا ہے۔
میٹنگ کے بعد نوئیڈا ٹریفک پولیس نے اس کے لیے ایک ایڈوائزری بھی جاری کی ہے تاکہ لوگوں کو مسائل کا سامنا نہ کرنا پڑے۔ ایڈوائزری میں گریٹر نوئیڈا سے آنے والی بڑی گاڑیوں کے لیے مشورہ دیا گیا ہے کہ وہ مشرقی پیریفرل ایکسپریس وے کے ذریعے اپنی منزل کی طرف بڑھیں۔
ڈی سی پی ٹریفک گنیش پی ساہا نے بتایا کہ 'دہلی میں 14 اگست کی دوپہر 2 بجے سے 15 اگست کی دوپہر 1 بجے تک داخلہ بند رہے گا۔'
یہ بھی پڑھیں: حکومت نے53 مہینوں میں 4.5لاکھ نوکریاں فراہم کیں: یوگی آدتیہ ناتھ
ایسی صورتحال میں چلہ ریڈ لائٹ بارڈر سے دہلی جانے والی بڑی گاڑیوں کو چلہ ریڈ لائٹ سے یوٹرن لینا پڑے گا اور نوئیڈا-گریٹر نوئیڈا ایکسپریس وے سے مشرقی پیریفرل ایکسپریس وے کے ذریعہ اپنی منزل کی طرف جاسکیں گے۔
