ریاست اترپردیش کے ضلع بنارس میں جیت پورہ تھانہ کے انچارج ششی بھوشن رائے کو یوم آزادی کے دن اترپردیش کے ڈی جی پی ایوارڈ سے نوازیں گے۔
ششی بھوشن ترپاٹھی نے ای ٹی وی بھارت سے خاص بات چیت میں بتایا کہ سنہ 2015 میں ان کو صدر جمہوریہ نے بھی بہادری کے ایوارڈ سے نوازا تھا۔ انہوں نے بتایا کہ سنہ 2012 میں جب وہ اعظم گڑھ میں تعینات تھے تو اس دوران بدمعاشوں اور پولیس اہلکاروں کے درمیان تصادم ہوئی تھی۔ جس میں ایک پولیس اہلکار شہید ہو گئے تھے جبکہ جانباز پولیس ششی بھوشن رائے نے دو بدمعاشوں کو ہلاک کر دیا تھا۔
اس کام کے اعتراف میں بھارت کے صدر جمہوریہ نے ان کو بہادری کے ایوارڈ سے نوازا تھا۔ فی الحال وہ بنارس کے جیت پورہ تھانہ کے انچارج ہیں۔
یوم آزادی کے موقع پر اترپردیش کے ڈی جی پی ان کی بہتر کارکردگی کے اعتراف میں انھیں ایوارڈ سے نوازیں گے۔
انہوں نے کہا کہ پولیس اور سماج کے تعلقات کو بہتر بنانے اور غیر جانبدارانہ کارروائی کرنا، نہ صرف معاشرے اور سماج کو بہتر بنانے میں اہم کردار ادا کرسکتا ہے، بلکہ عوام کا اعتماد بھی بڑھ جاتا ہے۔
اس موقع پر ای ٹی وی بھارت سے بات کرتے ہوئے تھانہ انچارج نے بتایا کہ ڈی جی پی کے ذریعے ملنے والے ایوارڈ سے وہ انتہائی خوش ہیں۔
انہوں نے کہا کہ فخر محسوس ہوتا ہے جب اعلی افسران حوصلہ افزائی کرتے ہیں اور کارکردگی کا اعتراف کرتے ہیں۔
