ریاست اترپردیش میں ضلع بلند شہر کے جہانگيرآباد علاقے میں پولیس تصادم میں 25 ہزار روپے کا انعامی بدمعاش زخمی ہو گیا ہے، جس کے بعد اسے گرفتار کرلیا گیا، جبکہ اس کا ساتھی فرار ہونے میں کامیاب رہا۔
خیال رہے کہ سینیئر پولیس سپرنٹنڈنٹ این كولنچ نے آج صبح اس بات کی اطلاع دی ہے۔
انہوں نے بتایا کہ خفیہ اطلاع کی بنیاد پر جمعرات کی رات پولیس نے جهانگيرآباد علاقے میں سكندرآباد، گریٹرر نوئیڈا راستے پر موٹر سائیکل سوار دو بدمعاشوں کو گھیرلیا۔
خود کو گِھیر ا ہوا دیکھ بدمعاشوں نے فائرنگ شروع کر دی، پولیس نے جوابی کارروائی کرتے ہوئے فائرنگ کی، جس میں انعامی بدمعاش پرنس زخمی ہو گیا، جس کے بعد اسے گرفتار کر لیا گیا جبکہ اس کا ساتھی فرار ہونے میں کامیاب رہا، پولیس اس کی تلاش کررہی ہے۔
انہوں نے بتایا کہ زخمی بدمعاش کو ہسپتال میں داخل کرا دیا گیا ہے۔
واضح رہے کہ پرنس کے خلاف کئی کیس درج ہیں، اس کے پاس سے پستول اور کارتوس برآمد کیے گئے ہیں، جس کی گرفتاری پر 25 ہزار کا انعام بھی تھا۔
