کل نوئیڈا انتظامیہ کے لیے راحت کی بات یہ رہی کہ گزشتہ روز کورونا کے صرف 44 کیسز ہی سامنے آئے۔ جس سے مقامی انتظامیہ میں جوش پیدا ہوا، اور ضلع میں نئے کنٹینمنٹ زون بنائے جارہے ہیں۔
وہاں سینٹائزیشن کے عمل کو فوری طور پر بروئے کار لایا جارہا ہے جس کا مقصد وائرس کے انفیکشن کو پھیلنے سے روکنا ہے۔ اس سلسلے میں انتظامیہ ، محکمہ صحت اور اتھارٹی کے عہدیداروں نے ایک مہم چلا کر 51 مقامات پر صاف صفائی(سینٹائزیشن ) کے عمل کو یقینی بنایا ہے۔ جو ایڈیشنل چیف میڈیکل آفیسر ڈاکٹر شیریش جین کی نگرانی میں ہو رہا ہے۔
ضلع ملیریا کی ٹیم کے عہدیدار بھی اہم کردار ادا کررہے ہیں۔ ڈاکٹر شریش جین نے بتایا کہ کورونا وائرس سے متعدی بیماری کے انفیکشن کی روک تھام کے مقصد کے لیے جہاں کنٹینٹمنٹ کے نئے زون بنائے جارہے ہیں ، وہاں فوری ایکشن کے تحت سینٹائز ودیگر اقدامات پر کاروائی کی جارہی ہے۔
