اے ایم یو طلبا یونین کے نائب صدر حمزہ سفیان کا کہنا ہے کہ 'یونیورسٹی کے طلبا کے چند مسائل پر رجسٹرار آفس میں بحث و تکرار ہوئی اور اس کے بعد ہم نے رجسٹرار کے دفتر پر تالا لگا دیا۔'
اے ایم یو طلبا یونین کا کہنا ہے کہ 'جب علی گڑ ھ انتظامیہ اور پولیس ہی یونیورسٹی کی حفاظت اور اس کے کام کاج کرے گی تو اے ایم یو انتظامیہ کی کوئی ضرورت ہی نہیں ہے۔'
ان کا کہنا ہے کہ 'جب یونیورسٹی کی حفاظت اور طلبا کی پریشانیوں سے متعلق مسائل کو اے ایم یو انتظامیہ نے ہمیشہ دیکھا ہے تو پھر اس میں پولیس کا دخل کیوں۔'
دوسری جانب یونیورسٹی انتظامیہ نے اے ایم یو کیمپس میں پولیس چیک پوسٹ قائم کیے جانے کی افواہ کی سختی سے تردید کی ہے۔
انتظامیہ نے کہا کہ چند شرپسند عناصر یہ افواہ پھیلا رہے ہیں جو پوری طرح سے بے بنیاد ہے۔
اے ایم یو پراکٹر نے طلبا سے اپیل کی ہے کہ اس طرح کی افواہوں پر دھیان نہ دیں جس سے کیمپس کا پرامن ماحول خراب ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
