مرادآباد: ایلوپیتھی ڈاکٹروں کا احتجاج

اترپردیش کے شہر مُراد آباد میں واقع انڈین میڈیکل ایسوسی ایشن کے دفتر کے صدر دروازے کے باہر ایلو پیتھی ڈاکٹرز نے احتجاج کیا۔

احتجاج کر رہے ایلوپیتھی ڈاکٹرز نے آیور ویدک اور یونانی ڈاکٹروں کو تقریباً دو سال کی ٹریننگ دے کر ایلوپیتھی کے مساوی درجہ دئے جانے کی مخالفت کی۔

ایلوپیتھی ڈاکٹروں نے ہاتھوں میں تختیاں لیکر احتجاج کرتے ہوئے دو گھنٹے کی ہڑتال کی۔

آئی ایم اے کی سکریٹری پریتی گپتا نے کہا کہ 'مرکزی حکومت جس طرح سے آیوروید اور یونانی ڈاکٹروں کو دو سال کی ٹریننگ کے بعد ایلوپیتھی کا درجہ دینے جا رہی ہے اس سے ہمیں اعتراض ہے۔ یہ فیصلہ مریضوں کے لیے مہلک ثابت ہوگا۔

انہوں کہا کہ 'بھارت سرکار سے مطالبہ ہے ایلوپیتھی کے میڈیکل میں کوالٹی سسٹم نافذ کیا جائے ہمیں ڈاکٹروں کی تعداد بڑھانے کے ساتھ ساتھ ان کی کوالٹی کا خیال رکھنا ہوگا تاکہ ملک کو اچھی کوالٹی والے ڈاکٹرز مل سکیں'۔