نئی دہلی:ہندوستانی فٹ بال فیڈریشن (اے آئی ایف ایف) کا ماننا ہے کہ 2047 تک اس ملک میں فٹ بال کی تصویر ہی نہیں بدلے گی بلکہ ہندوستانی خواتین اور مردوں کی فٹ بال ٹیم ایشیا کی چوٹی کی چار ٹیموں میں شامل ہوگیAll India Football Federation Launch Of Vision 2047
اے آئی ایف ایف کی طرف سے دارالحکومت میں ایک پریس کانفرنس کا انعقاد کیا گیا اور روڈ میپ 2047 پیش کیا گیا کہ ہندوستانی فٹ بال کی حالت اور سمت کو بہتر بنانے کے لئے کس طرح کوششیں کی جائیں گی۔ اس موقع پر اے آئی ایف ایف کے صدر کلیان چوبے اور جنرل سکریٹری شاجی پربھاکرن موجود تھے۔
اے آئی ایف ایف کے جنرل سکریٹری شاجی پربھاکرن نے دہلی میں ہندوستانی فٹ بال کا اسٹریٹجک روڈ میپ پیش کرتے ہوئے کہا کہ 25 سال بعد ہندوستانی فٹ بال ناقابل یقین حالت میں ہوگا۔ ہم بحیثیت ٹیم اس نتیجے پر پہنچے ہیں کہ 2047 ہندوستان کے لئے ایک اہم سال ہے ۔فٹ بال کو پیچھے نہیں چھوڑنا چاہیے، کیونکہ ہندوستان دیگر شعبوں میں بہت تیزی سے ترقی کر رہا ہے۔
ہندوستانی فٹ بال کو کس طرح آگے لے جایا جائے گا اس کے بارے میں بات کرتے ہوئے، انہوں نے کہا کہ 2047 کو ترقی کے چھ سرکل میں تقسیم کیا جائے گا۔ 2022-26 کے لئے نئی انتظامی کمیٹی ہندوستانی فٹ بال کی ترقی کی نگرانی کرے گی ۔اس کے مطابق آگے بڑھے گی۔ موجودہ AIFF حکومت کے اہداف کے بارے میں بات کرتے ہوئے پربھاکرن نے کہا کہ ہم ایشیا کے ٹاپ فور میں شامل ہونا چاہتے ہیں، ساتھ ہی ایشیا کی ٹاپ چھ لیگوں میں سے ایک ہونا چاہتے ہیں اور کم از کم مردوں اور خواتین کی فٹ بال ٹیموں میں سے ایک ہونا چاہتے ہیں۔
یہ بھی پڑھیں:Hugo Lloris Retirement فرانس ٹیم کے کپتان ہیوگو لوریس نے بین الاقوامی فٹبال کو الوداع کہا
اس موقع پر موجود اے آئی ایف ایف کے صدر کلیان چوبے نے کہا کہ ہم فٹ بال کو نیچے سے اوپر تک لانا چاہتے ہیں اور ہم بہترین کھلاڑیوں کو مواقع دینا چاہتے ہیں اور انہیں آگے لے جانا چاہتے ہیں۔ اس کے لئے ہم نے فیفا سے بھی بات کی ہے۔ ان کی جانب سے بھی ہمیں مکمل تعاون دیا جا رہا ہے۔ ہم نے اس کھیل کو آگے لے جانے کے لیے جو روڈ میپ بنایا ہے اس میں موجود ہر خامی کو دور کرنے کی کوشش کی ہے۔All India Football Federation Launch Of Vision 2047
