سینٹر فارورڈ یونیورسٹی رینکنگ ایک نامور بین الاقوامی رینکنگ ایجنسی ہے، جو حکومتوں اور یونیورسٹی کو پالیسی مشورے اور کنسلٹنگ خدمات فراہم کرتی ہے۔
ایجنسی نے اے ایم یو کو تدریس و تحقیق، حوالہ جات کا استعمال، بین الاقوامی اشتراک اور اشاعتوں کی بنیاد پر مذکورہ رینک عطا کی ہے۔
اے ایم یو کے وائس چانسلر پروفیسر طارق منصور نے کہا کہ، ''ہمارے لیے یہ امر باعث افتخار رہے کہ تعلیم و ترقی کے معیار پر ادارے کی خدمات کا اعتراف کیا جاتا ہے، جس کے لیے اساتذہ اور طلبہ و طالبات مبارکباد کے مستحق ہیں۔''
مزید پڑھیں:
اے ایم یو: 10 جولائی سے فاصلاتی تعلیم کے آن لائن امتحانات
پروفیسر منصور نے کہا کہ، ''یہ حصولیابی اساتذہ اور طلبہ و طالبات کی مجموعی کارکردگی کی مرہون منت ہے، جو ملک و بیرون ملک اے ایم یو کے وقار میں اضافہ کر رہے ہیں۔''
انہوں نے مزید بہتری کیلئے زیادہ لگن و تندہی کا کام کرنے کی اپیل کی ہے۔
