رشوت نہیں دینے پر برطرفی کی دھمکی

ریاست اتر پردیش کے ضلع بجنور میں آدھا درجن آشا کارکنان سے رشوت مانگنے کا معاملہ سامنے آیا ہے۔

الزام ہے کہ سنگنی نے آشا کارکنان سے کہا ہے کہ اگر وہ روپے نہیں دیں گی تو انہیں نوکری سے برطرف کر دیا جائے گا۔

معاملہ تھانہ دھامپور کے پیڈٹ ہسپتال کا ہے۔ یہاں آشا کارکنان نے سنگنی کے خلاف احتجاج کیا۔

خیال رہے کہ آشا ورکرز کی اتر پردیش حکومت نے ماہانہ تنخواہ میں 750 روپے کا اضافہ کیا ہے۔

سنگنی شکنتلا نے آشا کارکنان سے بطور رشوت 250 روپے مانگے تھے۔ جب آشا سندھیا دیوی نے اس کی مخالفت کی تو سنگنی شکنتلا غصے میں آ گئیں۔ یہاں تک کہ انہوں نے آشا کارکنان کو پیسے نہ دینے پر نوکری سے برطرف کرنے کی دھمکی دی۔

سندھیا دیوی نے کہا کہ جب ان سے زیادہ بحث کی گئی تو ان کی حالت بگڑ گئی اور انہیں ہسپتال میں بھرتی ہونا پڑا۔