اس مشاعرے کا انعقاد اس لیے بھی اہم ہے کیونکہ ہولی کا دن قریب ہے اور گنگا جمنی تہذیب کو فروغ دینے کے لیے مشاعرے کا اہتمام کیا گیا، جس میں بی ایچ یو کے سابق پروفیسر و معروف شاعر یعقوب یاور، عالم بنارسی، جے کرشن، تشار، ثمر غازی پوری، احمد اعظمی، لکشمن پرساد گپت کے علاوہ دیگر بڑے شعراء نے شرکت کی۔
اس موقع پر شعراء نے اپنے کلام پیش کیے، جس سے سامعین خوب لطف اندوز ہوئے۔ مشاعرے میں ہندوؤں کے مذہبی تہوار ہولی اور گنگا جمنی تہذیب کے قومی اتحاد جیسے موضوعات پر شعرو شاعری کی گئی، جس پر حاضرین نے داد و تحسین سے خوب نوازا۔
عالم بنارسی نے کہا کہ 'عرصہ انتظار ختم ہوا صلے انتظار باقی ہے, لاکھ نفرت کا شور ہے لیکن ابھی دنیا میں پیار باقی ہے'۔
اس موقع پر ایک طالب علم نے اپنا کلام پیش کرتے ہوئے کہا کہ 'اس دل میں جو بات ہے بتا دیں گے ہم انہیں، جو روٹھ گئے اب کی منا لیں گے ہم انہیں، اس ہولی میں اب رنگ لگانے کے بہانے، ہے کتنا ہمیں پیار جتا لیں گے ہم انہیں'۔
اس کے علاوہ عالم اعظمی یعقوب یاور سمیت متعدد شعراء نے اپنا کلام پیش کیا۔ اس مشاعرے کے اہتمام میں ڈی اے وی پی جی کالج کے شعبہ اردو ہندی کی پیہم کوششوں سے عمل میں آیا، جس میں ڈاکٹر حبیب اللہ اور ڈاکٹر تمنا شاہین قابل ذکر ہیں۔
