بارہ بنکی : اجتماعی شادی کی تقریب میں 45 جوڑے ازدواجی زندگی سے منسلک

بارہ بنکی میں جمعہ کو سماجی تنظیم 'کشیپ سماج پچھڑا ایکی کرن منچ' کی جانب سے تمام مذاہب و ذات کی اجتماعی شادی کا انعقاد کیا گیا۔

بارہ بنکی کی مشہور سماجی تنظیم 'کشیپ سماج پچھڑا ایکی کرن منچ' کی جانب سے اجتماعی شادی تقریب میں 45 جوڑے ازدواجی زندگی میں بندھے گئے۔

تنظیم کی جانب سے یہ دوسری اجتماعی شادی کی تقریب ہے۔ اب تک یہ تنظیم 81 جوڑوں کی شادی کرا چکی ہے.

بارہ بنکی کے جی آئی سی آڈٹوریم میں ہوئی اس تقریب میں 45 جوڑوں کو جہیز کے طور ایک الماری، باکس، برتن اور زیور دئے گئے ہیں۔

اس کے ساتھ ساتھ جوڑوں کے رشتہ داروں کے لئے دعوت کا بھی انتظام کیا گیا تھا۔

تنظیم نے شادی کرانے کی اس مہم کی شروعات گزشتہ برس ایک غریب لڑکی کی مدد مانگنے پر کی تھی۔

بارہ بنکی : اجتماعی شادی کی تقریب میں 45 جوڑے ازدواجی زندگی سے منسلک

تنظیم نے اس کی شادی کے ساتھ 10 مزید شادی کرانے کا منصوبہ بنایا، وسائل میں اضافے سے انہوں نے 36 شادیاں کرائیں۔ اس کے بعد تنظیم کا حوصلہ بلند ہوا اور روا برس 51 شادیوں کا ٹارگیٹ طئے کیا، لیکن 45 جوڑے ہی رجسٹرڈ ہو پائے۔

آئندہ برس تنظیم اور بھی شادیاں کرائے گا۔ تنظیم کا ماننا ہے کہ آج بھی ایسی تقریبات کی ضرورت ہے کیوں کہ آج بھی لوگوں کے لئے شادیاں بڑا مسئلہ ہیں۔