Protest in Udhampur راجستھان میں ٹیچر کی پٹائی سے دلت بچے کی موت پر ادھم پور میں احتجاج

راجستھان میں ٹیچر کی پٹائی سے بچے کی موت پر ادھم پور میں امبیڈکر ویلفیئر ٹرسٹ کی جانب سے احتجاجی مظاہرہ کیا گیا۔Protest in Udhampur

ادھم پور: امبیڈکر ویلفیئر ٹرسٹ اور کئی دیگر تنظیموں نے راجستھان کے جالور میں ایک استاد کی پٹائی سے ایک طالب علم کی موت کے خلاف احتجاجی مظاہرہ کیا۔ مظاہرین نے ڈی سی آفس کے باہر دھرنا دیا اور راجستھان حکومت کے خلاف نعرے بازی کی۔ انہوں نے مرکزی حکومت سے مطالبہ کیا کہ ذات پات کو ختم کرنے کے لیے لائحہ عمل تیار کیا جائے۔Protest in Udhampur

ٹرسٹ کے سربراہ گووند رام کی قیادت میں شہر کے مختلف علاقوں کے لوگوں نے ڈی سی آفس کے باہر راجستھان حکومت کے خلاف نعرے لگائے۔ مظاہرے کے دوران گووند نے بتایا کہ کچھ دن پہلے تیسری جماع کے ایک دلت طالب علم نے ٹیچر کے برتن سے پانی پیا۔ اس کی سزا دیتے ہوئے استاد نے بچے کو پیٹ پیٹ کر مار ڈالا۔ بچے کو فوری طور پر اسپتال لے جایا گیا، جہاں علاج کے دوران بچے نے دم توڑ دیا۔ وہ بچہ اچھوت کی وجہ سے مر گیا۔ ٹیچر نے بچے کی پٹائی کی کیونکہ بچہ دلت برادری سے تعلق رکھتا تھا۔

انہوں نے کہا کہ مرکزی حکومت ذات پات کو ختم کرنے کے دعوے تو بہت کر رہی ہے لیکن زمینی حقیقت یہ ہے کہ ابھی تک اس پر کچھ نہیں کیا گیا ہے۔ معصوم بچے کا قصور صرف اتنا تھا کہ اس نے برتن سے پانی پیا۔ مرکزی حکومت کو اس واقعہ پر سنجیدگی سے سوچنا چاہیے اور ملک سے ذات پات کو مکمل طور پر ختم کرنے کے لیے کام کرنا چاہیے۔ جب تک ذات پرستی ہوگی، لوگوں کو امتیازی سلوک کا سامنا کرنا پڑے گا اور معصوموں کی جانیں جاتی رہیں گی۔