گریٹر حیدرآباد میونسپل کارپوریشن انتخابات 2020 کے ضمن میں شہریان حیدرآباد کو ووٹ کرنے کی ترغیب کے لیے حیدرآباد پولیس نے ٹویٹر پر ایک ٹویٹ کیا۔
حیدرآباد پولیس کے مطابق اس کا مقصد جی ایچ ایم سی انتخابات کے ضمن میں لوگوں کو ان کے جمہوری حق کے لیے آگاہ کرنا ہے۔ تاکہ زیادہ سے زیادہ ووٹنگ کی جائے
کمشنر پولیس آف حیدرآباد انجنی کمار نے کہا کہ 'جی ایچ ایم سی انتخاب کے لیے اپنے پولنگ اسٹیشن پر آئیں اور حق رائے دہی کا استعمال کریں'۔
انہوں نے کہا کہ 'امیر، غریب کسی بھی ذات، برادری، مذہب سے تعلق رکھنے والے اور سب ہی جمہوریت میں برابر ہیں۔ آپ جس شہر سے پیار کرتے ہو اسے ووٹ دیں'۔
وہیں تلنگانہ کے وزیر بلدی نظم و نسق کے ٹی آر نے کہا کہ 'ہر کسی کو اپنا ووٹ دینا چاہئے۔ انہوں نے کہا کہ جمہوریت میں ووٹ دینے والوں کو ہی تنقید کرنے اور سوال کرنے کا حق حاصل ہوتا ہے'۔
حیدرآباد کے شاستری پورم میں واقع پولنگ بوتھ پر مجلس اتحاد المسلمین کے صدر اسدالدین اویسی نے ووٹ دیا۔ انہوں نے 7 بجے سے قبل ہی پولنگ بوتھ پہنچ گئے تھے۔ تاہم سات بجے کے فوراً بعد انہوں نے حق رائے دہی کا استعمال کیا۔
- مزید پڑھیں: جی ایچ ایم سی انتخابات 2020: تازہ ترین تفصیلات
اطلاعات کے مطابق جی ایچ ایم سی انتخابات میں صبح 11 بجے تک صرف 8.9 فیصد پولنگ ہوئی۔ صبح 7 بجے سے ووٹنگ کا آغاز ہوا، تاہم لیکن ابتدائی اوقات میں ووٹرز میں جوش و خروش کم دیکھا گیا۔ توقع کی جارہی ہے کہ 12 بجے دن کے بعد ووٹنگ کے عمل میں تیزی آئے گی۔
