ہائر ایجوکیشن ڈویژن اور یونیسکو کے سیکشن آن میڈیا ڈویولپمنٹ نے اس شعبے میں متعلقہ علم کی تیاری اور طلبا کی صلاحیتوں کو بڑھانے میں مدد کرنے والے چیئر کے خدمات کی تعریف کی ہے۔
یونیسکو چیئر برائے کمیونٹی میڈیا سنہ 2011 میں قائم کیا گیا تھا جس کی سربراہی یونیورسٹی میں پروفیسر ونود پاورالہ کررہے ہیں۔
اس چیئر نے نہ صرف جنوبی ایشیا میں بلکہ مشرقی اور مغربی افریقہ کے علاوہ یورپ کے متعدد علاقوں میں بھی کمیونٹی میڈیا کی ترقی میں حصہ لیا ہے۔
یونیورسٹی آف حیدرآباد (یو او ایچ) کے تین دیگر اساتذہ کنچن کے ملک، واسوکی بیلواڑی اور جناردھن راؤ چیلی اور متعدد ڈاکٹریٹ طلبا کے تعاون سے چیئر کو عالمی سطح پر کمیونٹی میڈیا میں تحقیق و تربیت کا ایک اہم مرکز تسلیم کیا گیا ہے۔
ٹیم کو مبارکباد پیش کرتے ہوئے وائس چانسلر پروفیسر آپا راؤ پوڈیل نے کہا کہ چیئر کا کام نچلی سطح کی برادریوں کی صلاحیتوں کو بڑھانے کے ساتھ معاشرتی طور پر تحقیق و اختراعات کو آگے بڑھانا ہے۔
