اطلاعات کے مطابق شہر کے چکڑ پلی پولیس اسٹیشن میں تعینات ایک کانسٹبل کورونا سے مثبت پایا گیا جبکہ وہ لاک ڈاون کے دوران ڈیوٹی انجام دے رہا تھا۔
رنگاریڈی ضلع سے تعلق رکھنے والے ایک اور پولیس کانسٹبل کا کورونا وائرس ٹسٹ مثبت آیا ہے، کانسٹبل کچھ دن قبل گاندھی ہسپتال میں تعینات تھا۔
چکڑ پلی پولیس کانسٹبل نے ایک ہفتہ قبل رخصت حاصل کی تھی جبکہ گذشتہ دو دن قبل شدید بخار کے بعد اس کا ٹیسٹ کرایا گیا اور ٹیسٹ مثبت آنے کے بعد اسے ہستپال منتقل کیا گیا جہاں اس کا علاج کیا جارہا ہے۔
ترکیماجال سے تعلق رکھنے والے پولیس کانسٹبل میں بھی علامات ظاہر ہونے کے بعد ٹسٹ کیا گیا اور اسے بھی ہسپتال منتقل کردیا گیا۔
دونوں پولیس کانسٹبل کے افراد خاندان کو کنگ کوٹھی ہسپتال میں رکھا گیا ہے۔
واضح رہے کہ گاندھی ہسپتال میں علاج کرنے والے پانچ ڈاکٹرز اور دو نرسز کا کورونا ٹسٹ مثبت آیا ہے۔
