معین افروز نے اس مارچ کی ستائش کرتے ہوئے کہا کہ یہ ملین مارچ جذبہ حریت کی واضح علامت کے طور پر تمام بھارت میں ایک مثال قائم کر گیا ہے۔
انہوں نے تمام بھارتیوں کو ایک ہونے اور ظلم و بربریت کے خلاف آگے آنے پر مبارکباد پیش کرتے ہوئے جے این یو میں ہوئے طلباء پر حملے کی پر زور مذمت کی۔
معین افروز نے چینئی میں منعقدہ ایک اجلاس سے خطاب کرتے ہوئے اس مارچ کی کامیابی پر منتظمین کو مبارکباد پیش کی۔
شاعر و ادیب جعفر حسینی نے کہا کہ یہ ملین مارچ ظلم کے خلاف پہلا قدم ہے اور ہم اپنی آخری سانس تک وطنِ عزیز، آئینِ ہند کی حفاظت اور پاسداری کے لیے کوشاں رہیں گے۔
انھوں نے فیض کی نظم '' ہم دیکھیں گے '' کے چند اشعار پیش کرتے ہوئے تمام احتجاجیوں کی حمایت میں ہندوستان زندہ باد کے نعرے بلند کئے۔ ڈاکٹر معین افروز نے اپنی نظمیں '' انقلاب زندہ باد '' اور '' سونے والو جاگ اٹھو '' پیش کرتے ہوئے داد حاصل کی۔
