حیدرآباد میں ڈبل ڈیکر بس خدمات اور اُس دور کو لوگ ہمیشہ یاد کرتے ہیں۔ سنہ2000 تک بھی ڈبل بسز حیدرآباد کی سڑکوں پر چلتی تھیں۔ لوگ بڑے ہی شوق سے اس میں سفر کرتے تھے۔ بعد ازیں ڈبل بس سروس بند کر دی گئی۔
اس سلسلے میں تلنگانہ کے وزیر انفارمیشن ٹیکنالوجی کے ٹی آر نے اپنے بچپن اور ڈبل بس کے سفر کو یاد کیا۔
انہوں نےٹویٹ کرتے ہوئے لکھا 'سینٹ جارج گرامر اسکول عابڈز جانے کے لیے ڈبل ڈیکر بس پر سوار ہونے کی بہت سی یادیں ہیں۔ جسے یاد کر کے میرے چہرے پر مسکراہٹ آجاتی ہے۔'
مجھے پورے طور پر نہیں معلوم کہ ان بسوں کو سڑک سے کیوں ہٹایا گیا ہے۔ انھوں نے ٹراسپورٹ وزیر پی اجئے کمار سے پوچھا، کیا ان بسز کو دوبارہ لایا جا سکتا ہے؟
کے ٹی آر کے ٹویٹ کے بعد کئی شہریوں نے اس پر ردعمل ظاہر کرتے ہوئے دوبارہ ڈبل بسیں چلانے کی خواہش کا اظہار کیا ہے۔
