تلنگانہ حکومت کا نئے انداز میں کورونا بلیٹن جاری

تلنگانہ حکومت نے اتوار سے کورونا کے بلیٹن کو نئے انداز میں پیش کرنا شروع کیا ہے۔ روزانہ اموات، مرنے والوں کی تعداد کی تفصیلات پر مبنی یہ بلیٹن جاری کیا جاتا تھا۔ تاہم اتوار سے نئے انداز میں یہ بلیٹن جاری کیا گیا ہے۔

ہفتہ کو ایک ہی دن میں تلنگانہ میں 1593 معاملات درج کئے گئے۔ جملہ 15,654 افراد کی جانچ کی گئی۔ 998 افراد روبہ صحت ہوئے۔ 8 افراد کی موت ہوئی اور ریاست کے بیشتر ہسپتالوں میں 12,264 افراد کا علاج کیاجارہا ہے۔

اس بلیٹن میں ریاست کے ہسپتالوں، بستروں کی تعداد، آئی سی یو میں زیر علاج افراد کی تعداد، وینٹی لیٹرس کی تعداد کی تفصیلات بھی فراہم کی گئی ہیں۔

اس بلیٹن کو جامع بنانے کی حکومت کی جانب سے کوششیں کی گئی ہیں۔ ضلع واری طورپر ان ہسپتالوں کی بھی نشاندہی کی گئی ہے جہاں ریپڈ ٹیسٹ کورونا کے کئے جارہے ہیں۔