اس اجلاس کے سلسلہ میں وزرا کو فون کرتے ہوئے اطلاع دی گئی جس کے بعد دستیاب وزرا فارم ہوز روانہ ہوگئے۔وزرا کے ساتھ ساتھ چیف سکریٹری سومیش کماربھی فارم ہوز روانہ ہوگئے۔وزرا ہریش راو، کے ایشور،پرشانت ریڈی،ٹی سرینواس یادو، گنگولا کملاکر نے اس اجلاس میں شرکت کی۔ KCR Convened Meeting of Ministers at Farmhouse
یہ بھی پڑھیں: Minster KTR on TIMS: حیدرآباد کے ایل بی نگر میں ٹمس کے قیام کی تجویز منظور
وزیرانفارمیشن ٹکنالوجی تارک راما راو آج صبح ہی حیدرآباد سے امریکہ کیلئے روانہ ہوگئے ہیں اسی لئے وہ اس اجلاس میں شرکت نہیں کرسکے۔دوسری طرف ریاستی وزیر زراعت نرنجن ریڈی پڑوسی ریاست مہاراشٹرکے دورہ پر ہیں جبکہ وزیر ٹرانسپورٹ پی اجئے کمار کھمم ضلع میں ہیں۔شہر میں دستیاب دیگر وزرا نے بھی اس اجلاس میں شرکت کی۔ اس اجلاس میں انتظامی امور کے ساتھ ساتھ سرکاری ملازمتوں پر تقرری اور دیگر امور پر بھی بات چیت کا پتہ چلا ہے۔
یواین آئی
