تلنگانہ کے وزیر اعلی کے چندر شیکھر راو نے کہا کہ کچھ وقت سے بھارت میں بادلوں کے پھٹ پڑنے کی سازش میں بعض بیرونی ممالک ملوث ہیں۔ انھوں نے شبہ ظاہر کیا کہ دریائے گوداوری میں غیر معمولی سیلاب کی وجوہات میں سے ایک وجہ بادل پھٹ پڑنے کی سازش بھی ہوسکتی ہے۔ KCR on Flood Reason
وزیر اعلی اتوار کےروز بھدراچلم میں سیلاب سے متاثرہ علاقوں کا دورہ کررہے تھے اس دوران انھوں نے کہا کہ بعض بیرونی طاقتیں جان بوجھ کر بھارت میں بادلوں کے پھٹ پھڑنے کی سازشوں میں ملوث ہیں۔ یہ طاقتیں لداخ، جموں وکشمیر کے لیہہ اور اتراکھنڈ میں کامیاب رہیں جہاں پر غیر معمولی سیلاب کے نتیجے میں جان ومال کا نقصان ہوا۔ تاہم وزیر اعلی نے یہ بھی کہا کہ بادل پھٹنے والی حقیقت میں کتنی سچائی ہے وہ بھی نہیں جانتے مگر کچھ لوگ اس کی تصدیق کررہے ہیں۔
