تلنگانہ میں آج پولیس اہلکاروں کی کورونا ٹیکہ کاری

کورونا کے خلاف جنگ میں پیش پیش رہنے والے طبی ملازمین و کارکنان کو سب سے پہلے یہ ٹیکے دیئے گئے تھے۔

تلنگانہ میں آج سے محکمہ پولیس کے ملازمین کو کورونا کے ٹیکے لگائے جارہے ہیں۔ کمشنر پولیس رچہ کنڈہ مہیش بھگوت نے سب سے پہلے ٹیکہ لیا۔ انہوں نے کہا کہ عوام اس ٹیکہ کے تعلق سے افواہوں پر توجہ نہ دیں۔

پولیس کمشنر ٹیکہ لینے کے بعد تقریباً نصف گھنٹہ تک طبی نگرانی میں رہے۔

واضح رہے کہ رچہ کنڈہ کمشنریٹ کے حدود میں ٹیکہ کاری کے 49 مراکز موجود ہیں۔

ریاست میں یہ دوسرے مرحلہ کی کورونا ٹیکہ کاری مہم ہے۔ آج تقریبا 80 ہزار پولیس اہلکاروں کو ٹیکہ دینے کا منصوبہ رکھا گیا ہے۔

4 فروری تک ریاست میں 1,88,279 طبی کارکنان کو یہ ٹیکے دیئے گئے۔ حکومت جلد ہی ریاست میں کووڈ سے پاک اسپتالوں کا اعلان کرنے کا منصوبہ رکھتی ہے۔