'پولیس مسلسل قربانی کے جانوروں کو روک رہی ہے'

ریاست تلنگانہ کے دارالحکومت حیدرآباد میں عید الضحیٰ کے پیش نظر گریٹر حیدرآباد میونسپل کارپوریشن اور محکمہ پولیس کی جانب سے سالار جنگ میوزیم میں ایک اجلاس منعقد کیا گیا۔

اس اجلاس میں مفتی خلیل احمد شیخ الجامعہ نظامیہ، مولانا حسام الدین جعفر پاشاہ، سید احمد پاشاہ قادری رکن اسمبلی، وقف بورڈ چرمین محمد سلیم، کمشنر پولیس انجنی کمار اور دیگر سیاسی مذہبی رہنماؤں نے شرکت کی۔

اس موقع پر مفتی خلیل احمد نے مسلمانوں سے اپیل کی ہے کہ وہ پر امن طویقے سے عیدالاضحی منائیں اور حکومت کا تعاون کریں۔

حیدرآباد کمشنر پولیس انجنی کمار نے کہا کہ عیدالاضحی کے موقع پر کوئی بھی مسئلہ ہو تو پولیس سے رجوع کریں، انہوں نے کہا کہ قانون کی خلاف ورزی کرنے والوں کے خلاف سخت کارروائی کی جائے گی۔

وہیں مولانا حسام الدین جعفر پاشاہ نے اپنی تقریر کے دوران کہا کہ عیدالاضحی کی آمد کے ساتھ ہی پولیس کی جانب سے چیک پوسٹ لگوائے جاتے ہیں جبکہ مسلمان گائے کی قربانی نہیں کرتے ہیں، اس باوجود پولیس مسلسل قربانی کے جانوروں کو روک رہی ہے۔