تلنگانہ میں آرٹی سی ملازمین کی ہڑتال کے سبب حیدرآباد کی میٹرو ٹرینوں میں مسافرین کا کافی ہجوم دیکھاجارہا ہے۔
حیدرآباد میٹرو ریل کے عہدیداروں نے کہا کہ گزشتہ روزتقریبا 3.65لاکھ مسافرین نے میٹرو ٹرین کی خدمات سے استفادہ کیاجو میٹرو ریل کی اب تک کی تاریخ کا ایک ریکارڈ ہے۔
قبل ازیں 3.23لاکھ مسافرین نے میٹرو ٹرینوں سے استفادہ کیاتھا۔ہفتہ اور اتوار کو میٹرو ٹرینوں میں تقریبا 2.70لاکھ مسافرین سفر کرتے ہیں۔
آرٹی سی ورکرس کی ہڑتال کے پیش نظر میٹرو کے عہدیداروں کی جانب سے صبح چھ بجے سے ہی میٹرو ٹرینوں کا آغاز کردیا گیا جبکہ عموما روزانہ صبح سات بجے سے میٹرو ٹرینیں چلائی جاتی ہیں۔
عموما 11بجے شب تک میٹرو ٹرینیں چلائی جاتی ہیں تاہم اس ہڑتال کے پیش نظر نصف شب تک بھی ٹرینیں چلائی گئیں۔
