انٹرنس کی بنیاد پر داخلے کے لیے آن لائن درخواست جمع کرنے کی آخری تاریخ یکم/مئی ہے۔
انٹرنس کی بنیاد پر داخلہ دیے جانے والے کورسز میں پی ایچ ڈی اردو، انگریزی، ہندی، عربی،فارسی، مطالعات ترجمہ؛ مطالعات نسواں، نظم و نسق عامہ،سیاسیات، سوشل ورک، اسلامک اسٹڈیز، تاریخ، معاشیات،سماجیات؛ تعلیم؛ صحافت و ترسیل عامہ؛ مینجمنٹ، کامرس؛ ریاضی، طبیعات، کیمیا، نباتیات، حیوانیات؛ کمپیوٹر سائنس، ایس ای آئی پی شامل ہیں۔
ان کے علاوہ دیگر انٹرنس کی اساس کے کورسز میں پوسٹ گریجویٹ پروگرامس میں ایم بی اے؛ ایم سی اے، ایم ٹیک اور ایم ایڈ،انڈر گریجویٹ پروگرامس بی ایڈ، بی ٹیک نیز پالی ٹیکنک کورسس سیول انجینئرنگ، کمپیوٹر سائنس انجینئرنگ، الیکٹرانکس اینڈ کمیونی کیشن انجینئرنگ اور انفارمیشن ٹکنالوجی میکانیکل،الیکٹریکل و الیکٹرانکس انجینئرنگ، اپیرل و آٹوموبائیل انجینئرنگ شامل ہیں۔
حیدرآباد کے مرکزی کیمپس کے علاوہ دیگر علاقائی کیمپس میں بھی داخلے جاری ہیں۔ اسی دوران نظامت داخلہ مانو نے حیدرآباد کے قدیم شہر میں داخلے کے خواہشمند طلبا کی رہنمائی کے لیے 29/ اپریل کو اردو مسکن، خلوت میں ایک خصوصی کیمپ کا اہتمام کیا ہے۔
مختلف شعبوں کے اساتذہ صبح 10 بجے سے دستیاب رہیں گے۔میرٹ کی بنیاد پر داخلوں کا سلسلہ 30/ جون تک جاری رہے گا۔
