Hyderabad’s Numaish suspended: حیدرآباد میں نمائش کی منسوخی، خشک میوے جات کے تاجرین کو بھاری نقصان

تلنگانہ میں کورونا وائرس کی نئی شکل اومیکرون کے معاملات میں تیزی سے اضافہ کو دیکھتے ہوئے کل ہند صنعتی نمائش کو منسوخ کردیا گیا ہے۔ جس کی وجہ سے دور دراز ریاستوں سے آئے تاجروں کو کافی نقصان کا سامنا کرنا پڑا ہے۔ خاص طور سے خشک میوہ جات کے تاجر کافی پریشان حال ہیں۔ ان کا کہنا ہے کہ خشک میوہ جات کو فروخت کرتے ہوئے آمدنی کی توقع کی تھی تاہم اس 45 دن چلنے والی نمائش کے اچانک بند ہونے کے سبب ان کا سب کچھ برباد ہوگیا ہے۔ Dried Fruit Traders Heartbroken as Numaish Suspended

حیدرآباد میں سالانہ ہونے والی کل ہند صنعتی نمائش کو اچانک منسوخ کیے جانے کے بعد سب سے زیادہ خشک میوہ جات کے تاجرین متاثر ہوئے ہیں۔ Dried Fruit Traders Heartbroken as Numaish Suspended

ان کا کہنا ہے کہ دیگر اشیا کی بہ نسبت وہ ان خشک میوہ جات کا اسٹاک نہیں رکھ سکتے۔ وہ کاروبار کی نیت سے حیدرآباد میں ہر سال ہونے والی اس نمائش میں اسٹال لگانے کے لئے آئے تھے تاہم نمائش کے منسوخ ہونے کی وجہ سے ان کو کافی مشکلات کا سامنا کرنا پڑا۔ Kashmiri Traders Loses after Numaish Suspended

ان تاجرین میں زیادہ تر کا تعلق کشمیر سے ہے۔ ان کا کہنا ہے کہ نمائش منسوخ ہوگئی ہے جس کی وجہ سے ان کو لاکھوں روپئے کا نقصان ہوا ہے۔ ان تاجرین نے کہا کہ انہوں نے قرض حاصل کرتے ہوئے خشک میوہ جات کو اپنے علاقوں سے یہاں نمائش میں فروخت کرنے کے لئے لایا تھا تاہم کووڈ کے معاملات میں اضافہ کے پیش نظر حکومت نے نمائش کو منسوخ کردیا جس کی وجہ سے وہ کافی پریشان ہیں۔ ان میں اداسی پائی جاتی ہے اور یہ افراد پیچیدہ صورتحال کا شکار ہوگئے ہیں۔

انہوں نے کہا کہ نمائش سوسائٹی کو چاہئے کہ وہ ان کے نقصان کی پابجائی کرے۔ انہوں نے نشاندہی کرتے ہوئے کہا کہ انہوں نے خشک میوہ جات کو فروخت کرتے ہوئے آمدنی کی توقع کی تھی تاہم اس 45دن چلنے والی نمائش کے اچانک بند ہونے کے سبب ان کا سب کچھ برباد ہوگیا ہے۔

انہوں نے کہا کہ 45 دنوں کے لیے اسٹال لینے کے لیے سوسائٹی کو رقم دی گئی تھی۔ ساتھ ہی دیگر مصارف جیسے غذا، رہنے کے مقام اور اسٹاف کی تنخواہوں کے لئے پانچ لاکھ روپئے صرف کئے گئے۔ تاہم ان کو کووڈ کے سبب نمائش کو بند کرنے کے فیصلہ کی وجہ سے نہ صرف مایوسی ہوئی بلکہ بڑے پیمانہ پر نقصان بھی اٹھانا پڑا۔

یو این آئی