امسال سفرحج پر جانے کی درخواستیں کم ہیں

تلنگانہ حج کمیٹی کو ابھی تک صرف 3،989درخواستیں موصول ہوئی ہیں۔ ابو طلحہ امجد نے کہا کہ کووڈ19 اور لاک ڈاون کے سبب لوگوں کی معیشت پر اثر پڑا۔ اور کم درخواستوں کی یہ بھی ایک وجہ ہے۔

تلنگانہ اسٹیٹ حج کمیٹی کے رکن ابو طلحہ امجد نے کہا کہ حج 2021 کیلئے آن لائن درخواست داخل کرنے کی 10 جنوری آخری تاریخ ہے۔

انہوں نے کہا کہ ایسے عازمین حج جنہوں نے ابھی تک آن لائن درخواست داخل نہیں کی ہے وہ اتوار 10 جنوری تک اپنی درخواست داخل کر سکتے ہیں-

ریاستی حج کمیٹی کو ابھی تک صرف 3،989درخواستیں موصول ہوئی ہیں۔ ابو طلحہ امجد نے کہا کہ کووڈ19 اور لاک ڈاون کے سبب لوگوں کی معیشت پر اثر پڑا۔ اور کم درخواستوں کی یہ بھی ایک وجہ ہے۔

اس برس سفر حج کے لیے 3 لاکھ پچاس ہزار روپے کا خرچ کا تخمینہ ہے- انھوں نے کہا کہ اس سے متعلق مرکزی حج کمیٹی آئندہ دنوں میں کوئی اعلان کرسکتی جس کے لیے انتظار کیا جارہا ہے۔