حیدرآباد میں فینانسر کا اغوا و رہائی

شہر حیدرآباد کے ایک فینانسر گجیندر پرساد نے آج مبینہ طور پر تین نامعلوم افراد کی جانب سے انہیں اغوا کرنے کی شکایت پولیس میں درج کرائی ہے۔

گجیندر پرساد کے مطابق کچھ نامعلوم افراد نے انہیں اتوار کی شب دومل گوڑہ علاقہ سے اغوا کیا گیا تھا جبکہ اغوا کاروں نے پرساد کی رہائی کےلیے 3 کروڑ روپئے تاوان کی مانگ کی تھی۔

بعدازاں پرساد کے ارکان خاندان کی جانب سے ایک کروڑ روپئے کی رقم اغوا کاروں کو دی گئی جس کے بعد پرساد کو شہر کے علاقہ عابڈس میں چھوڑ دیا گیا۔گجیندر پرساد کی شکایت کے بعد پولیس ایک مقدمہ درج کرتے ہوئے تحقیقات کا آغاز کردیا ہے۔ابتدائی تحقیقات میں پولیس کو پتہ چلا ہے کہ گجیندر پرساد کی ایک کاروباری معاملت میں ممبئی کے تاجر سے تنازعہ چل رہا ہے۔فی الحال گجیندر پرساد اپولو ہاسپٹل میں زیرعلاج ہے۔ اغوا کاروں نے انہیں زدوکوب کیا تھا۔